अत्तरिया- कैलालीको गोदावरी नगरपालिका-४ बन्दगडामा निर्माणधिन धार्मीक पर्यटकीय स्थल मष्टाधामको थप विस्तृत परियोजना प्रतिवेदन (डिपीआर) तयार पारिएको छ । संस्कृति, पर्यटन तथा नागरिक उड्डयन मन्त्रालय अन्तरगत पर्यटन विभागको आर्थिक सहयोगमा मष्टाधामको थप डिपीआर तयार पारिएको हो ।
मष्टाधाम अन्तरगत छ खण्ड मध्य ३ खण्ड सेल्फि पार्क, राजि ताल तथा पिकनिक पार्क क्षेत्रको ५ करोड पैतिस लाख त्रिसठ्ठी हजार ८ सय ३ रूपैँया बराबरको डिपीआर तयार भएको मष्टाधाम व्यवस्थापन समितिका अध्यक्ष गणेश साँउदले जानकारी दिए।
६५ विधा क्षेत्रफलमा फैलीएको उत्त धाममा स्टोनपार्क, सेल्फीपार्क, तालक्षेत्र, पिकनिक स्पोर्ट, ध्यान केन्द्र बन्न बाँकी रहेका छन् । धार्मीक संरचनाको निर्माण पहिले सम्पन्न गरेर बाँकी निर्माण गर्दै जाने उनले बताए । त्यस्तै १०८ फिटको त्रिशुल राख्ने कार्य, तीन नाडको एघार सय किलोको घण्ट राख्ने कार्य पनि बाँकी रहेको साँउदले बताए ।
उक्त त्रिशुल विश्वकै ठुलो त्रिशुल हुनेछ । मष्टाधाममा वडा,नगर,प्रदेश र संघ गरी चारै तहका सरकारको लगानी रहेको छ । उत्त धामलाई मष्ट देवताको विश्वकै पहिलो धामका रुपमा लिईएको छ भने मुख्य पर्यटकिय क्षेत्रका रुपमा विकास गर्ने योजना समितिको रहेको छ । मष्टाधाममा अचेल पनि दिनहुँजसो आन्तरिक पर्यटकहरु आउने गरेका छन् ।
निर्माण सम्पन्न गरी सञ्चालनमा ल्याई दैनिक एक सयदेखी एक हजारसम्म पर्यटन मष्टाधाममा भित्र्याउने आफुहरुको लक्ष्य रहेको अध्यक्ष साउँदले बताए । मष्टाधामलाई पर्यटकीय क्षेत्रको रुपमा विकास गरी होमस्टेको अवधारणा पनि अघि सारीएको उनको भनाई छ ।
धाम निर्माण सम्पन्न भएर पुर्ण रुपमा सञ्चालनमा आएमा स्थानीयलाई व्यसायीक रुपमा पनि फाइदा हुने साउँदले बताएका छन् । ११ करोडको उत्त योजनामा गत आर्थिक वषर्मा १ करोड २५ लाख रुपैयाँ बजेट रहेको थियो । २०७६ सालमा निर्माण सुरु गरिएको धामको निर्माण कार्य सुरु गरिएको थियो ।