धनगढी- कैलालीको टीकापुरमा रहेको एक फेन्सी पसलमा आगलागी भएको छ ।
जिल्लाको टीकापुर नगरपालिका–६ नारायनपुरमा गणेश क्षेत्रीले सञ्चालन गरेको फेन्सी पसलमा विद्युतको तार सर्ट भएर मंगलवार आगलागी भएको हो ।
आगलागी हुँदा पसल भित्र रहेका कपडा लगायतका सम्पूर्ण सामान गरी अन्दाजी २० लाख मूल्य बराबरको धनमाल जलेर नष्ट भएको इलाका प्रहरी कार्यालय टीकापुरले जनाएको छ ।
स्थानीय, प्रहरी र दमकलको सहयोगमा आगलागी नियन्त्रणमा लिई सो सम्बन्धमा आवश्यक अनुसन्धान गरिरहेको प्रहरीले जनाएको छ ।