बाजुरा- बाजुरामा कैदीबन्दी भेट्न आएका २ जना चरेस सहित पक्राउ परेका छन् । आइतबार साँझ कारागारमा कैदीबन्दी भेट्न आएका बुढीगंगा नगरपालिका ५ नुवाघरका २५ वर्षीय प्रेम थापा र २१ वर्षीय लक्ष्मण थापा चरेस सहित पक्राउ परेका प्रहरीले बताएको छ ।
जिल्ला प्रहरी कार्यालय बाजुराका अनुसार कारागारमा रहेका आफन्तलाई भेट्न आएका उनीहरूले खाजाका लागि ल्याएको चाउचाउमा लुकाएर ल्याएको अवस्थामा अन्दाजी २ दशमलव ५ ग्रामको चरेस बरामद गरिएको थियो ।
चाउचाउको प्याकेट प्वाल पारेर ल्याएको पाइएपछि शंका लागेर कारागारमा खटिएका सुरक्षाकर्मीले चेकजाँच गर्दा चरेस भेटिएको जिप्रका बाजुराका प्रहरी नायब उपरीक्षक दिलीप कुमार केसीले बताए । उनीहरु दुबै जना माथि म्याद थप गरेर अनुसन्धान भइरहेको प्रहरीले बताएको छ ।