धनगढी- कैलालीको धनगढीमा ६ जना तेस्रो लिङ्गी पक्राउ परेका छन् । उनीहरूलाई जिल्ला प्रहरी कार्यालय कैलालीले पक्राउ परेको हो ।
सडकमा हिडडुल गर्ने व्यक्तिहरूलाई अनावश्यक हैरानी दिने गरेको भन्दै ६ जना तेस्रो लिङ्गीहरुलाई नियन्त्रणमा लिएको प्रहरीले जनाएको छ ।
शुक्रबार धनगढी उपमहानगरपालिका–३ चटकपुरमा सडकमा हिडडुल गर्नेहरूलाई अनावश्यक हैरानी गरेपछि वडा प्रहरी कार्यालय धनगढीबाट प्रहरी निरीक्षक जनकराज ढुङ्गानाको कमाण्डमा खटिएको प्रहरी टोलीले नियन्त्रणमा लिएको हो ।
पर्साको विरगञ्ज महानगरपालिका–४ बस्ने २५ वर्षीया उर्मिला थापा, धनगढी–६ बस्ने १९ वर्षीया रेनु सिंह ठकुरी, गौरीगंगा नगरपालिका–५ बस्ने १८ वर्षीया पारु ठकुरी, वडा नम्बर ४ बस्ने १९ वर्षीया अनु मगर, कञ्चनपुरको पुनर्वास नगरपालिका–१० बस्ने १९ वर्षीया निशा खड्का र बझाङको जयपृथ्वी नगरपालिका–१० बस्ने १८ वर्षीया निशा बोहरालाई प्रहरी हिरासतमा राखेर अनुसन्धान भइरहेको प्रहरीले जनाएको छ ।