Satyawati
Division ban Pahalmanpur

कैलालीको दुर्गौली देखि प्रतापपुर सम्म सडक कालोपत्र गर्ने तयारी

Purbadhar dadeldhura

गोदावरी- सेती लोकमार्ग अन्तर्गत पहिलो चरणमा कैलालीको दुर्गौली देखि प्रतापपुर सम्मको १० किलोमिटर खण्ड कालोपत्र गरिने भएको छ । त्यसका लागि ठेक्का सम्झौताको काम अन्तिम चरणमा पुगेको छ । सेती राजमार्ग योजना कार्यालय अछामका सूचना अधिकारी केशवदत्त मिश्रका अनुसार कालोपत्र गर्न निर्माण कम्पनीसँग एक–दुई दिनभित्रै सम्झौता हुँदै छ । सडक कालोपत्रका लागि ३१ करोड रुपैयाँ प्राप्त भएको छ ।

Malpot office dadeldhura

कैलालीको टीकापुरबाट बझाङको उत्तरी सीमा क्षेत्रको उरै भञ्ज्याङ जोड्ने सेती लोकमार्गको ठुलीगाड देखि सेती र बुढीगंगा दोभानसम्मको ४० किलोमिटर क्षेत्रमा रूख काट्न सरकारले अनुमति दिएको छ । दुई सय चार किलोमिटर लामो उक्त सडकमा पर्याप्त बजेट विनियोजन नहुँदा निर्माण सुरु भएको १५ वर्षमा १२६ किलोमिटर मात्र ट्रयाक खुलेको छ ।

यो लोकमार्गको कैलाली खण्डमा ७२ किलोमिटरमध्ये तीन किलोमिटर ट्रयाक खोल्न बाँकी रहेको आयोजना कार्यालय अछामले जनाएको छ । कैलालीको टीकापुरबाट चैनपुर सम्मको सडक खण्ड मध्ये डोटी, बझाङ र अछाममा रेखांकन गरिएको कतिपय ठाउँमा ट्रयाक बाँकी छ ।

अछाममा ८० किलोमिटरमध्ये २३ किलोमिटर ट्रयाक खोल्ने काम बाँकी रहेको सूचना अधिकारी मिश्रले दिए । बाजुराको मेडासैनबाट राना गाउँसम्मको १२ किलोमिटर ट्रयाक खोल्न बाँकी छ । चालु आर्थिक वर्षमा सो सडकका लागि १४ करोड रुपैयाँ बजेट विनियोजन भएको छ । सो सडकमा पर्ने पुल निर्माणका लागि चालु आवमा ३ करोड छुट्याइएको छ। रासस

Dadeldhura Aspatal & Ban
Loading...