बाजुरा- बाजुरामा आगलागी हुँदा दुई घर जलेर नष्ट भएको छ । बडिमालिका नगरपालिका-६ कोर्ध स्थित अमर बडुवाल र बल बहादुर बडुवालको सँगै जोडिएको ३ तले घरमा बिजुलीको लाइन सर्ट भएर आइतबार साँझ आगलागी हुँदा घर र घर भित्र रहेका सरसामानहरू जलेर नष्ट भएको जिल्ला प्रहरी कार्यालय बाजुराका प्रहरी नायब निरीक्षक सुरेश भण्डारीले बताए ।
उक्त आगलागीबाट मानविय/चौपाया क्षति नभएको र आगलागीबाट भएको क्षतिको विवरण आउन बाँकी रहेको भण्डारीले जानकारी दिए । उक्त आगलागी प्रहरी र स्थानीयको सहयोगमा नियन्त्रणमा लिनुका साथै यस सम्बन्धमा जिल्ला प्रहरी कार्यालय बाजुराबाट आवश्यक अनुसन्धान भइरहेको छ ।