अत्तरिया– कैलालीको गोदावरी नगरपालिका ६ लालपुरमा रहेको जननौलो बिहानी कृषि सहकारी संस्था लिमिटेडको नवौं औँ बार्षिक साधारण सभा सम्पन्न भएको छ । शनिबार एक कार्यक्रमका बिच उक्त सहकारी संस्थाको नवौं औँ साधारण सभा सम्पन्न भएको हो ।
उक्त कार्यक्रमा संस्थाका अध्यक्ष खडक सि वलिको सभापतित्वमा भएको कार्यक्रममा सुदूरपशिचम प्रदेश सभा सदस्य खेमा बिष्ट प्रमुख अतिथि रहनु भएको थियो ।
प्रमुख अतिथि खेमा बिष्टले संस्थाले बिना धितो कर्जा भएकाले उक्त ऋणबाट ब्यबसाय गरि फाइदा गर्न सकिने स्थानीय सहकारी संस्था भएकोले ठगेर नजाने भएकाले यसलाई प्राथमिकता दिनु पर्ने बताइन ।
वि.सं. २०७१ साल पुष ९ गते २६ जना सेयर सदस्यहरुबाट सुरु भएको जननौलो बिहानी कृषि सहकारी संस्था लिमिटेडमा हाल १ हजार १ सय ४० जना सेयर सदस्यहरु रहेका छन् । आगामी बर्ष यो संस्थामा १ हजार ५ सय ५० जना सेयर सदस्य पुर्याउने लक्ष्य रहेको छ ।
संस्थाको शेयर पुजी २०७९ असाढ मसान्त सम्म ४४ लाख ६८ हजार ४ सय रुपैयाँ रहेकोमा २०८० असाढ मसान्त सम्म ५७ लाख ९४ हजार ४ सय रुपैयाँ पुगेको छ । यस्तै २०८० असाढ मसान्त सम्म ३ करोड ३ लाख ८४ हजार ३ सय ७० रुपैया उक्त संस्थाको निक्षेप रहेको संस्थाको बार्षिक प्रतिवेदनमा उल्लेख छ । सहकारी संस्थाले हाल ९ लाख ६८ हजार ३ सय रुपैया ऋण लगानी गरेको छ ।
प्रतिवेदनमा उल्लेख भए अनुसार आ.व. २०७९/०८० मा सहकारीले २० लाख मुनाफा आर्जन गरेको छ । सहकारीको बचत २ करोड ३८ लाख ३ सय ७० रहेको छ भने आगामी बर्षको बचत २३ लाख ७२ हजार पुर्याउने लक्ष्य राखेको छ । लेखा परीक्षण प्रतिबेदन लेखा संयोजक पदम बहादुर साउदले प्रस्तुत गरेका थिए ।
त्यस्तै बिषिष्ट अतिथिहरु वडा नम्बर ७ कि वडा अध्यक्ष कलापती साउद, वडा नं ६ का अध्यक्ष जग्गुराम चौधरी, सहकारी साखाका अधिकृत दिव्यराज जोशी, सानाकिसान लघुबित्तका पदम राज रेग्मी र जहरि साउद लगायत शेयर सदस्यहरुको उपस्थिति रहेको थियो ।
यस संस्थाले उत्कृष्ठ बचत कारोबार पुरुष तर्फ पदम बोकटी र महिला तर्फ नर्मि कुमाललाई पुरुस्कार प्रदान गरेको छ भने उत्कृष्ट बाल बचतकर्ता निरन्जना ओझा र असल ऋणि सारदा देबी साउदलाई सम्मान गरेको छ।
संस्थाकी व्यवस्थापन समिति सदस्य यशोदा कडायतको स्वागत मन्तव्यबाट सुरु भएको कार्यक्रमको संचालन संस्थाका सदस्य प्रेम राज पाठकले गरेका थिए ।