अत्तरिया- कैलालीको अत्तरियामा लागुऔषध सहित तीन जना पक्राउ परेका छन् । जिल्लाको गोदावरी नगरपालिका-१ धनगढी रोड स्थित पाठक पेट्रोल पमप नजिकबाट सोहि नगरपालिका १ का २२ वर्षीय चन्द्र महता, गोदावरी ५ का २५ वर्षीय गोकुल श्रेष्ठ र धनगढी उपमहानगरपालिका १३ बस्ने २९ बर्षिय मेघराज बुढाथोकी लागुऔषध सहित आइतबार पक्राउ परेका हुन् ।
संका लागी चेकजाँच गर्दा निजहरुले खरिद बिक्री गरिरहेको अवस्थामा १४० मिलीग्राम लागु औषध खैरो हिरोईन जस्तो देखिने धुलो पदार्थ फेला परेको प्रहरीले जनाएको छ । तीनै जनालाई नियन्त्रणमा लिई थप अनुसन्धान भईरहेको ईलाका प्रहरी कार्यालय मालाखेतीले जानकारी दिएको छ ।
इलाका प्रहरी कार्यालयका अनुसार पक्राउ परेका उनिहरुलाई सोमबार देखि ९० दिनसम्म अपराधिहरुलाई थुनुवा राखि अदालत बुझाइने, अनुसन्धान छिट्टै भए वा कुनै किसिमको परिस्थिति आए थुनुवा अवधि कम हुन सक्ने र अभियुक्तहरुलाई लागु औषध ऐन बमोजिम कारवाही हुने बताइएको छ ।