बझाङ- स्वर्गीय मन्त्री पृथ्वीबहादुर सिंहका छोरा तथा नेपाली काँग्रेसका युवा नेता अभिषेकबहादुर सिंहले अब बुबाको सपना साकार गर्न लाग्ने बताएका छन् ।
स्वर्गीय मन्त्री सिं को दोमासिक तिथिको अवसरमा शनिबार जिल्ला अस्पताल बझाङका बिरामीलाई फलफूल वितरण गर्दै उनले बझाङसँगै समग्र सुदूरपश्चिमको विकासका लागि आफू लागि पर्ने बताएका हुन्
।नेपाली काँग्रेस जिल्ला कार्यसमिति सदस्य समेत रहेका उनले स्व। बुबाको योगदानलाई सधैं आत्मसात् गर्दै जनताको सेवाको लागि काम गर्ने बताएका हुन् ।
सिंहले अस्पतालमा रहेका बिराहरुलाई स्वास्थ्य लाभको कामना गर्दै बझाङ जिल्लाको स्वास्थ्य क्षेत्र सुधारका लागि विभिन्न योजनाहरु बनाएर अगाडि बढ्ने पनि बताएका छन् । उनले बिरामीहरुको स्वास्थ्य लाभको कामना पनि गरेका छन् ।
‘बुवाले आफ्नो जीवनभर बझाङ जिल्लावासीको सेवामा लाग्नु भयो, उनले धेरै सपनाहरु देख्नु भएको थियो, जिल्लाको शिक्षा, स्वास्थ्य लगायत क्षेत्रको विकासका लागि उहाँले धेरै योजनाहरु बनाउनु भएको थियो, अब ती योजनाहरु मैले पुरा गर्छु, बुवाको सपना मैले साकार गर्छु,’ उनले भने ।
जिल्ला समन्वय समितिका प्रमुख नर बहादुर बोहरा लगायतका अन्य नेताहरूको उपस्थितिमा जिल्ला अस्पताल बझाङमा रहेका ३० जना बिरामीलाई फलफूल वितरण गरिएको हो ।
उनले आगामी दिनहरुमा पनि आफ्नो बुबाको हरेक तिथिको अवसरमा विभिन्न कार्यक्रम गरेर दु।खी गरिबलाई सहयोग गर्ने जानकारी दिए । सुदूरपश्चिम प्रदेश सरकारका आन्तरिक मामिला तथा कानुनमन्त्री रहेको बेला सिंहको असार ५ गते सवारी दुर्घटनामा मृत्यु भएको थियो ।
