प्रकाशबहादुर बोहरा
अत्तरिया- कैलालीको गोदावरी नगरपालिका वडा नं.२ अत्तरियामा रहेको सत्यवती एकेडेमीले बार्षिकोत्सब तथा अभिभाबक दिवस मनाएको छ । आईतबार सत्यवती एकेडेमीले ११ औं बार्षिकोत्सब तथा अभिभाबक दिवस मनाएको हो ।
सत्यवती एकेडेमीले बार्षिकोउत्सवलाई दुई भागमा विभाजन गरी मनाएको छ । आइतबार ४ देखि १२ कक्षा सम्मका विद्यार्थीहरुलाई सहभागिता गराइएको थियो भने भोली (सोमबार) कक्षा नर्सरी देखि ३ कक्षा सम्मका विद्यार्थीहरुलाई सहभागि गारईने सत्यवती एकेडेमी कैलालीका संस्थापक विर बहादुर कडायतले बताए ।
एकेडेमीका अध्यक्ष तथा दुर्गालक्ष्मी बहुमुखी क्याम्पस पूर्व संस्थापक क्याम्पस प्रमुख गिरी राज कडायतको सभापतित्वमा सुरु भएको वार्षिकोत्सवमा प्रतिनिधि सभा सदस्य विर बहादुर बलायर प्रमुख अतिथि रहनु भएको थियो ।
सत्यवती एकेडेमीले विविध सांस्कृतिक कार्यक्रम आयोजना गरी भव्यताका साथ वार्षिकउत्सब सम्पन्न गरेको हो । वार्षिकोउत्सवमा विद्यालयमा अध्ययनरत विद्यार्थीहरुले सांस्कृतिक मनमोहक प्रस्तुति समेत झल्काएका थिए ।
बिद्यालयले ११औं वार्षिकोउत्सवकोे अवसर मा १ हप्ता अघि देखि खेलाउदै आइरहेको खेलहरु फुटबल, भलीवल, टेबलटेनिस, कबड्डी, हाजिर जवाफ प्रतियोगिता लगायत विभिन्न इन्डोर-आउटडोर बिभिन्न विधामा विद्यालयमा अध्ययनरत खेलकुदमा सहभागी प्रथम, दोस्रो र तेस्रो विद्यार्थीहरु तथा उत्कृष्ट विद्यार्थीहरुलाई समेत प्रमाणपत्र, मेडल, पुरस्कार वितरण गरेको थियो ।
विस २०६५ साल स्थापना भई ११० जना विद्यार्थीहरुबाट सञ्चालनमा आएको उक्त एकेडेमी नर्सरी कक्षा देखि १२ सम्म पठनपाठन भईरहेको छ । हाल यस एकेडेमी मा १७ सय जनाभन्दा बढी विद्यार्थीहरु अध्ययन गर्दै आईरहेका छन् ।
त्यस्तै उक्त बार्षिकोउत्सव कार्यक्रममा विभिन्न स्कुलमा प्रअ, बुद्धिजीवी भद्रभलादमीहरु, अभिभावकहरु, शिक्षक/शिक्षिका, विद्यार्थीहरु लगायतको उपस्थिति रहेको थियो ।
