Satyawati
Division ban Pahalmanpur

रेशम चौधरीको मुद्दाकाे पेसी मोक्तान र शर्माको इजलासमा

Sostya office Dadeldhura
Purbadhar dadeldhura

काठमाडौं- कैलालीको टीकापुर घटनामा दोषी ठहर भएर जेलमा रहेका रेशमलाल चौधरीको मुद्दा न्यायाधीशद्वय टंकबहादुर मोक्तान र मनोज शर्माको इजलासमा पेसी तोकिएको छ। थुनुवा १० नम्बरमा चौधरीको मुद्दा पेसी रहेको छ। यसअघि पेसी तोकिए पनि सर्वोच्चबाटै स्थगित भएको थियो। २०७७ फागुन १२ गते जिल्ला अदालत कैलाली र उच्च अदालतको फैसला त्रुटीपूर्ण भएको भन्दै चौधरीका तर्फबाट पूनरावेदन गरिएको थियो। उक्त पुनरावेदनमा हालसम्म एकपटक पनि सुनुवाइ हुन सकेको छैन।

Malpot office dadeldhura

चौधरीको निवेदन सर्वोच्चमा आठ पटक पेसी तोकिएको छ। तर एकपटक पनि सुनुवाइ हुन सकेको छैन। यसअघि तीनपटक सुनुवाइका लागि इजलाससमेत तोकिएको थियो। दुईपटक हेर्न नभ्याइने र एकपटक हेर्न नमिल्ने हुँदै मुद्दा स्थगित भयो। अन्तिम पटक २०७९ भदौ २६ गते न्यायाधीशद्वय विश्वभरप्रसाद श्रेष्ठ र सुष्मालता माथेमाको इजलासमा पेसी तोकिएको थियो।

उनीहरुको इजलासमा हेर्न नमिल्ने भएपछि पेसी सरेको थियो। प्रदेश सीमांकनपछि थरुहट प्रदेशको माग गर्दै भएको आन्दोलनमा २०७२ भदौ ७ गते नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित आठ सुरक्षाकर्मी र एक नाबालकको हत्या भएको थियो।

उक्त घटनामा रेशम चौधरीसहित ११ जनालाई दोषी ठहर गर्दै २०७५ फागुन १२ गते कैलाली जिल्ला अदालतले जन्मकैदको फैसला सुनाएको थियो। करिब त्यसको २ वर्ष पनि २०७७ साल पुस ३ गते उच्च अदालत दिपायलले रेशम चौधरीसहित ८ जनालाई जन्मकैदको फैसला सुनाएको थियो।

Dadeldhura Aspatal & Ban
Jalsorat division office dadeldhura
Loading...