अत्तरिया- अत्तरियामा रहेको दुर्गालक्ष्मी नमुना माविले स्वागत तथा बृहत साँस्कृतिक कार्यक्रम गरेको छ । उक्त माबिमा कक्षा १२ का विद्यार्थीहरु एवम् विद्यालय परिवारद्वारा कक्षा ११ का विद्यार्थीहरुलाई शुक्रबार एक कार्यक्रमका बिच स्वागत गरिएको हो ।
स्वागत तथा साँस्कृतिक कार्यक्रम भावना भट्टको सभापतित्वमा भएको कार्यक्रमको प्रमुख अतिथी बिद्यालयका प्रधानाध्यापक शिवराज जोशी रहेका थिए । त्यस्तै कार्यक्रममा शिक्षक शिक्षिका लगायतको सहभागित रहेको थियो ।
उक्त विद्यालयमा कक्षा १२ सम्म अध्ययन गराइरहेको छ भने यस बर्ष मात्रै कक्षा ११ मा १००० भन्दा बढीले भर्ना गराएको शिक्षक रामचन्द्र जाेशीले बताए । कार्यक्रमको संचालन गणेश नाथ योगीले गरेका थिए ।
