डडेल्धुरा- जिल्लाको आलिताल गाउँपालिकामा एक महिलाको शव फेला परेको छ । आलिताल ४ कोइलानीका प्रेमबहादुर बोहराकी श्रीमती अन्दाजी २३ वर्षीया गंगा धामी बोहराको शव झुण्डिएको अवस्थामा फेला परेको आलिताल प्रहरी चौकीले जनाएको छ ।
बिहीबार बिहान बोहराको शव घरभन्दा करिब एक सय मिटर टाढा उमराको रूखमा प्लास्टिकको डोरीमा झुण्डिएको अवस्थामा रहेको प्रहरीले जनाएको छ ।
घटनाबारेमा थप अनुसन्धानको प्रक्रिया अघि बढीरहेको आलिताल प्रहरी चौकीका इन्चार्ज भीमराज भट्टले जानकारी दिए ।