कञ्चनपुर, १ बैशाख– कञ्चनपुरका पत्रकार विकास सिह महतालाई सम्मान गरिएको छ । कञ्चनपुर जिल्ला फुटबल संघले पत्रकार महतालाई सम्मान गरेको हो ।
बिहीबार महेन्द्रनगरमा फुटबल संघको ६औँ बार्षिक साधारण सभामा पत्रकार महताले फुटबल क्षेत्रमा संचारका क्षेत्र सहित प्राविधिक रुपमा अतुलनिय भूमिका निर्वाह गरेको भन्दै संघले प्रमाण पत्र सहित दोसल्ला ओढाएर सम्मान गरेको छ ।
सुदूर दर्पण दैनिकका सह सम्पादक समेत रहेका पत्रकार महता कञ्चनपुर खेलकुद समितिका सदस्य पनि हुन । पत्रकार महता सहित फुटबलका प्रशिक्षक पुष्कर शाहीलाई समेत सम्मान गरिएको छ ।