अत्तरिया, १३ चैत– आगामी बैसाखमा हुने स्थानीय तहको निर्वाचनका लागि खोलिएको म्यादी प्रहरीको विज्ञापनमा सुदूरपश्चिमबाट साढे २९ हजार बढीको आवेदन परेको छ । सुदूरपश्चिमका लागि ९ हजार ९३७ जना म्यादी प्रहरी माग गरिएकोमा २९ हजार ६८२ जनाले आवेदन दिएका हुन् ।
जसमा ७ हजार ४६ महिला रहेका छन । तथ्यांक अनुसार सबैभन्दा बढी कैलालीमा ११ हजार २२२ जनाले म्यादी प्रहरी बन्नका लागि आवेदन दिएको प्रदेश प्रहरी कार्यालयको सञ्चार शाखाका प्रहरी निरिक्षक उपेन्द्रबहादुर बिष्टले जानकारी दिएका छन ।
