अत्तरिया, ३० फागुन- कैलालीमा रोकिराखेको टिप्पर र बोलेरोमा आगलागी भएको छ। प्रहरीका अनुसार आइतबार राति जिल्लाको गोदावरी नगरपालिका ५ गेटा मेडिकल कलेज नजिक से१क ९२५ नम्बरको टिप्परमा अचानक आगलागी भएको थियो।
टिप्पर र बोलेरोको अगाडिको भाग जलेको कैलाली प्रहरीका प्रवक्ता प्रहरी नायब उपरीक्षक वेदप्रकाश जोशीले बताए। दमकल र प्रहरीको सहयोगमा आगलागी नियन्त्रणमा लिइएको उनले बताए। टिप्परसँगै पार्किङ्ग गरी राखिएको से१च ९४७ नम्बरको बोलेरोमा पनि आगो सल्किएको जिल्ला प्रहरी कार्यालय कैलालीले जनाएको छ।
