अत्तरिया, २९ फागुन– कैलालीको अत्तरियामा फागुन १३ गते देखि संचालित सुदूरपश्चिम प्रादेशिक महोत्सव सम्पन्न भएको छ। समृद्ध प्रदेशको आधारः कृषि, पर्यटन र व्यापार भन्ने मुल नाराका साथ संचालित महोत्सवको आइतबार एक समारोहका बिच समापन गरिएको हो ।
अत्तरिया उद्योग बाणिज्य संघका अध्यक्ष अशोक राज देवकोटाको सभापतित्वमा आयोजित समापन समारोहका प्रमुख अतिथि गोदावरी नगरपालिकाका नगरप्रमुख हरी सिह साउँद रहेका थिए ।
समापन कार्यक्रममा बोल्दै नगरप्रमुख साउँदले महोत्सवले गोदावरी नगरपालिका र अत्तरिया क्षेत्रको व्यापार, व्यवसाय, कृषि, पर्यटन क्षेत्रको विकासमा ठूलो भूमिका खेलेको बताए । उनले यस क्षेत्रको संस्कृती, कलाको संरक्षणमा पनि महोत्सवले ठूलो भूमिका खेलेको बताए ।
‘महोत्सवमा यस क्षेत्रका कलाकारले पनि अवसर पाएका छन । त्यसबाट यस क्षेत्रको पहिचान पनि झल्किएको छ’ उनले भने ‘महोत्सव जुन उद्देश्यका साथ आयोजना गरिएको थियो । त्यो उद्देश्य पुरा भएकोमा म आयोजकलाई बधाई दिन चाहन्छु ।’ उनले गोदावरी नगरपालिका यस क्षेत्रका धार्मिक पर्यटकिय, सांस्कृतिक क्षेत्रको विकासका लागि लागिपरेको बताए ।
नेपाल उद्योग बाणिज्य महासंघका केन्द्रिय सदस्य पुस्कर कुँवरले मेला महोत्सवले व्यवसाय वढाउने मात्रै नभएर यस क्षेत्रको कला, संस्कृति संरक्षणमा पनि महत्वपुणर् भूमिका खेल्ने बताए । उनले यस क्षेत्रमा भएका महोत्सवबाट थुपै्र कलाकारहरु जन्मेको बताए ।
कैलाली उद्योग बाणिज्य संघका अध्यक्ष समेत रहेका कुँवरले महोत्सवले यस क्षेत्रको पर्यटन प्रवद्धनमा पनि महत्तपूणर् भूमिका खेलेको बताए । उनले कैलाली उद्योग बाणिज्य संघले चैत ८ गते देखि धनगढीमा पनि महोत्सवको आयोजना गर्ने जमर्को गरेको बताए ।
अत्तरिया उद्योग बाणिज्य संघका संस्थापक अध्यक्ष ललित रोकायाले महोत्सवमा स्थानीय कलाकारलाई प्राथमिकता दिएको बताए । उनले यस क्षेत्रको व्यापार व्यवसाय, उद्योग, पर्यटन क्षेत्रको विकासका लागि स्थानीय सरकार गोदावरी नगरपालिका र उद्योग बाणिज्य संघ बिच राम्रो सम्बन्ध हुन नसकेको बताए ।
‘जब उद्योग कलकारखानाको विकास हुन्छ तब ठाउँको विकास, क्षेत्रको विकास, नगरको विकास र देशको विकास हुन्छ’ उनले भने ‘यी कुरालाई सरकारले गम्भिर रुपमा लिन जरुरी छ ।’
महोत्सवको औपचारीक रुपमा समापन गर्दै अत्तरिया उद्योग बाणिज्य संघका अध्यक्ष अशोक राज देवकोटाले कोरोना महामारीका कारण २ बर्ष देखि तहस नहस भएको अर्थतन्त्रलाई चलायमान बनाउन महोत्सवले महत्तपूणर् भूमिका खेलेको बताए । उनले महोत्सवमा करिब ६५ हजार दर्शकले अवलोकन गरेको र महोत्सवमा डेढ करोड बढीको कारोबार भएको बताए । उनले महोत्सवम संचालनका लागि सहयोग गर्ने सम्र्पुणलाई धन्यावाद व्यक्त गरेका थिए ।
