बाजुरा, २ पुस– नेकपा एमाले सुदूरपश्चिमको सहइञ्चार्जको जिम्मेवारी स्थायी कमिटि सदस्य कर्ण बहादुर थापालाई दिएको छ । यसअघि प्रदेश अध्यक्ष रहेका कर्णबहादुर थापालाई प्रदेशमा सहइञ्चार्जको जिम्मेवारी दिइएको हो। थापा दोस्रो संबिधान सभाको चुनावमा बाजुरा बाट भारि मतले विजय भएका थिए ।
सुदूरपश्चिम इञ्चार्जमा केन्द्रीय सचिव लेखराज भट्टले जिम्मेवारी पाएका छन्। यस्तै एमाले सुदूरपश्चिमको अध्यक्षमा दामोदर भण्डारी, उपाध्यक्षमा कमल तिमल्सिना, सचिवमा धर्मराज पाठक, उपसचिवमा बलदेव रेग्मी र भागरथी विष्ट तोकिएका छन्।
नेकपा एमालेले नेताहरुको कार्यविभाजन गरेको छ। १० औं राष्ट्रिय सम्मेलनबाट नयाँ कार्यसमिति चुनिएपछि कार्यविभाजन गरिएको हो। एमालेले अन्तरपार्टी निर्देशन जारी गर्दै विभिन्न विभागका प्रमुखका साथै प्रदेश र जिल्ला इञ्चार्ज तथा सहइञ्चार्जहरु पनि तोकेको छ।
