धनगढी, १३ मंसिर– सुन्दर सुदूरपश्चिमको अस्थायी राजधानी सुन्दर नगरी धनगढीमा २० लाखको लगानीमा माछापुच्छ्रे अग्र्यानिक कफी हाउस सञ्चालनमा आएको छ ।
सोमबार देखि धनगढी स्थित वडा नं. २ बस पार्क नजिकको एभरेस्ट बैङ्क लिमिटेडको पछाडि रहेको उक्त कफी हाउसको राष्ट्रिय सरोकार मञ्चका केन्द्रीय अध्यक्ष सोमविक्रम सिंह र आई.एस.टी.एफ का अध्यक्ष विनयविक्रम शाहले संयुक्त रूपमा उद्घाटन गरेका हुन् ।
पवन सेर चन्द, अर्जुन थापा, हेमन्त अधिकारी र सन्दीप कार्की ४ जना युवाहरूको संयुक्त लगानी रहेको कफी हाउसमा नितान्त विभिन्न प्रकारका नेपाली ‘ब्राण्डेड’ कफीहरूको स्वाद लिन सकिने छ ।
२० लाखको लगानीमा धनगढीमा फरक स्वाद दिने उद्देश्यका साथमा कफी हाउस सञ्चालनमा ल्याएको कफी हाउसका सञ्चालक पवन शेरचनले बताए । यो पोखराको माछापुच्छ्रे अग्र्यानिक कफी हाउसको शाखा हो । उनले भने, ‘४ जनाको संयुक्त लगानीमा यो कफी हाउस सञ्चालनमा ल्याएका हौँ । सुरुको एक वर्ष घाटामै गएर भए पनि ग्राहकलाई सेवा दिन्छौँ ।’
पछिल्लो समय नयाँ पीढी कपिप्रति आकर्षित हुँदै गएको छ र कफिका थुप्रै फाईदापनी छन्, अर्का सञ्चालक हेमन्त अधिकारीले भने, ‘अरू कुराको लत लगाउनु भन्दा कफी प्रेमी बनाउनकै लागि धनगढीलाई केन्द्रित गर्दै कफी हाउस खोलेका हौँ । त्यस्तै उनले धनगढीको माग अनुसारको स्वाद दिने बताएका छन् ।’ अहिले नितान्त कफीको स्वाद मात्रै दिन्छौँ तर भावी दिनमा फुड रेस्टुरेन्ट नै सञ्चालन गर्ने लक्ष्य रहेको अधिकारीले बताए ।
