अत्तरिया, २५ कार्तिक– नेपाल कम्युनिस्ट पार्टीको कैलाली कञ्चनपुर को संयुक्त आयोजनामा सरकारले बढाएको पेट्रोलिय पदार्थको मूल्यवृद्धिको विरुद्धमा कैलालीको अत्तरियामा विरोध प्रदर्शन गरेको छ । नेकपाले उक्त मूल्यवृद्धिको विरुद्धमा पार्टीको केन्द्रिय निणर्य अनुसार चरणबद्ध आन्दोलनको घोषण गरेको छ ।
उक्त विरोध प्रदर्शनको कोण सभामा अखिल क्रान्तिकारीका केन्द्रिय सचिव वीरेन्द्र शाहले सम्बोधन गर्दै आजको दिनमा जसरी अहिलेको दलाल सरकारले गरीब, किसान, निमुखा र सर्वहारा वर्गका जनताको हित विपरित जसरी निणर्य लिई महिनै पिच्छे मूल्य वृद्धि गरेको छ त्यसलाई तत्काल खारेज गर्नुपर्ने बताए । उक्त मूल्य वृद्धि तत्काल नरोकिए पार्टीले गम्भीर तरिकाले आफ्ना संघर्षका कार्यक्रमहरुलाई अघि बढाउने चेतावनी दिएका छन ।
