कञ्चनपुर, १४ भदाै- कञ्चनपुरमा बेवारिसे अवस्थामा रहेको करिब डेढ लाख बराबरका सामग्रीहरु बरामद गरिएको छ।
सशस्त्र प्रहरी बल नेपाल नं. ३५ गण हेडक्वाटर शैलेश्वरी मातहत बोडर आउट पोष्ट थापाचोक, आपताल, पशुपतीटोल र दोदाबाट खटिएको सीमा गस्ती टोलीले गस्ती गर्ने क्रममा अन्दाजी १ लाख ३२ हजार २ सय २४ रुपैया बराबरका बेवारिसे अवस्थामा रहेका सामग्रीहरु बरामद गरेको हो।
निषेधाज्ञा उल्लंघन गरी भारतबाट नेपाल भित्र्याईएका किराना सामान, खाद्य सामग्री, मल, सुर्ती, बिडी, स्मार्ट एलईडि टिभि, लेडिज सुट र थान कपडा बरामद गरिएको सशस्त्र प्रहरी उपरिक्षक विरेन्द्र ऐरले जानकारी दिए।
उनले बरामद गरिएको उक्त सामग्री आवश्यक कानुनी कारबाहीका लागी गड्डाचौकी भन्सार कार्यालय कञ्चनपुर र त्रिनगर भन्सार कार्यालय कैलाली पठाईएको बताए।
