अत्तरिया- कैलालीको गोदावरी नगरपालिका वडा नं. १२ को दुर्गम गाउँ टोल कुमिझाल चौकीमा खानेपानी आयोजनाका लागि पाइप वितरण गरेको छ ।
यस ठाउँमा २०६० सालमा नेवा संस्था खानेपानी संस्थानले खानेपानी आयोजना निर्माण गरेको पुरै जीर्ण भएको, मछेली खोलाले बगाई लगेको र कुमिझाल चौकी गाउँ टोलमा खानेपानी निकै अभाव भई मछेली खोलाको फोहोर धमिलो दुषित पानी खान बाध्य थिए ।
गोदावरी नगरपालिका वडा नं १२ वडा कार्यालयको आ.व.२०८०/०८१ को ४ लाख बजेट सेलापाटे मूल खानेपानी मर्मत सम्भारका लागि र संघीय नेपाल सरकार खानेपानी मन्त्रालयको आ.व. २०८०/०८१ को ९ लाख अनुदानको बाट खानेपानी ३ वटा ईन्टेक निर्माण तथा पाइप लाइन विस्तार वडाको बजेटबाट काम सम्पन्न भएको थियो । केहिदिन अगाडि यस ठाउँमा १२ वटा नयाँ धाराहरू निर्माण र खानेपानी नयाँ १२ घनमिटरको टंकी निर्माण कार्य सम्पन्न भएको थियो ।
गोदावरी नगरपालिका नगर प्रमुख विरेन्द्र भट्टले वडा नं. १२ का वडा अध्यक्ष भिम बहादुर खड्काको पहलमा ग्वासी मन्दिरको ईन्टेक देखि टेचन क्रसिङ्ग र कुमिझाल सम्म नयाँ पाइप लाइन विस्तारका लागि गोदावरी नगरपालिकाबाट ६३ M.M. को ५०० मिटर पाइप उपलब्ध गराएका थिए । वर्षातको समयमा यस क्षेत्रमा पानीको समस्या लाई समाधानका लागि पाइपको माध्यम बाट गाउँ बस्ती पानी वितरण हुनेछ ।
