धनगढी,२१ असोज– पूर्ण अशक्त र अति अशक्त अपांङगता व्यक्तिहरुलाई सरकारले खोप लगाउन बेवास्ता गरेपछि १४८ जना अपांगता भएका व्यक्तिलाई घर दैलोमा गई कोरोना खोप लगाइएको छ । कोर्डरेड, लुथरन विश्व फेडरेसन नेपाल दिगो विकास समाज भजनी र सर्वाङिण अपांगता विकास समाज नेपाल के सयुक्त साझेदारीमे विहीबार घरदैलो अभियान गरी खोप लगाएको हो ।
कोरोना विरुद्धको खोप धनगढी उप महानगर पालिकाका १५ वडा, मानव सेवा आश्रम, दृिष्ट फाउन्डेसनमा रहेका असहाय अपांगता नागरिक लगायत १४८ जनाको घर दैलो खोप सफलता पूर्वक सम्पन्न गरिएको छ । धनगढी उपमहानगरपालिकाको चार वडामा निरन्तर अभियान संचालन भइरहेकोले करिब २०० अपांगता नागरिक यो अभियानबाट लाभान्वित हुने सर्वाङिण अपांगता विकास समाज नेपाल धनगढी कैलालीका कार्यकारी निर्देशक नन्दराज भट्टले बताए ।
उक्त खोप अभियानको असोज १९ गते धनगढी उप महानगरपालिका कार्यालय स्वास्थ्य शाखाको समन्वयमा धनगढी उप महानगरपालिकाका नगर उप प्रमुख सुशीला मिश्र भट्ट र कोरोना सम्पर्क प्रमुख लक्ष्मी उपाध्यायद्वारा सुरुवात गरिएको थियो ।
