कञ्चनपुर- कञ्चनपुरमा लागूऔषध सहित ३ जना पक्राउ परेका छन् । भीमदत्त नगरपालिका–११ भुजेलाबाट १.४० ग्राम लागूऔषध खैरो हेरोईन जस्तो देखिने धुलो पदार्थ सहित भीमदत्त नगरपालिका–१८ बस्ने १९ वर्षीय दिपक महरा सहित ३ जनालाई मंगलवार साँझ प्रहरीले पक्राउ गरेको हो ।
ईलाका प्रहरी कार्यालय गड्डाचौकीबाट खटिएको प्रहरी टोलीले भारतबाट नेपाल तर्फ आउँदै गर्दा उनीहरुको साथबाट उक्त पदार्थ फेला पारी तीनै लाई पक्राउ गरेको जनाएको छ । यस सम्बन्धमा थप अनुसन्धान भइरहेकाे प्रहरीले जनाएकाे छ ।