धनगढीले सञ्चालनमा ल्यायो निःशुल्क शव चिस्यान सेवा

धनगढी- कैलालीको धनगढी उपमहानगरपालिकाले निःशुल्क शव चिस्यान सेवा सञ्चालनमा ल्याएको छ । सोमबारदेखि उपमहानगरपालिकाले आफ्नै लगानीमा दुई वटा शव चिस्यान सेवा सञ्चालनमा ल्याएको हो । शव चिस्यान सेवा नगरवासीलाई निशुल्क उपलब्ध गराइने धनगढी उपमहानगरपालिकाले जनाएको छ ।

सो शव चिस्यान सेवाको लागत दुई लाख २२ हजार ९६० रुपैयाँको रहेको छ । विदेश तथा घरबाट टाढा रहेका आफन्तको पर्खाइमा धेरै दिनसम्म राख्नुपर्ने मृतक शरीरको सुरक्षाका लागि शव चिस्यान सेवाको सुरुवात गरेको धनगढी उपमहानगरपालिकाका नगर प्रमुख गोपाल हमालले बताए ।

उनले धनगढी उपमहानगरपालिकालाई कल्याणकारी बनाउँदै लगिएको बताउँदै वैदेशिक रोजगारी तथा घरबाट टाढा रहेका दाज्भाइलाई आफन्तको मुत्य् हुँदा शव राख्ने चिस्यान अभावमा आमाबुवा तथा आफन्तको अनुहारसमेत हेर्न नपाउने अवस्था नआओस् भनेर शव चिस्यान सेवा सञ्चालनमा ल्याएको बताए ।

Bhancha ghar0

मृत्युलाई रोक्न नसकिने तर कसैको मृत्यु हुँदा आफन्तजन आउँदासम्म शवलाई सुरक्षित राख्न सकियोस् भनेर नगरवासीलाई निुशल्क शव चिस्यान सेवा सञ्चालन गरेको नगर प्रमुख हमालको भनाई छ ।

नगर प्रमुख हमालका अनुसार धनगढीवासीले उपमहानगरमा फोन गरेर जानकारी गराएपछि नगर प्रहरीले शव चिस्यान सेवा घरसम्मै निशुल्करुपमा पुर्याइदिने र दाहसंस्कार गरिसकेपछि नगर प्रहरीले नै सो चिस्यान फिर्ता लिएर आउनेछन् । शव चिस्यान विद्युतबाट सञ्चालन हुन्छ ।

धनगढी उपमहानगरपालिकाकी उपप्रमुख कन्दकला कुमारी रानाले अन्तिम दर्शनका लागि चिस्यान सेवामा शव सुरक्षित राख्न सहयोग हुने बताइन् । उनले विदेश वा घरबाट टाढा रहेका परिवारका सदस्य आउदासम्म शव जोगाउन समस्या हुने गरेको बताउँदै मृतक शरीरको सुरक्षाका लागि चिस्यान सेवा सुरु गरेको बताइन् ।

चिस्यान सेवाले सबैलाई जीवनको अन्तिम पटक मृतकको अनुहार हेर्नमा सहयोगी हुने धनगढी उपमहानगरपालिकाले जनाएको छ । धनगढी उपमहानगरपालिकाले यसअघि विपन्न वर्गलाई दाउरा र किरिया खर्चका लागि नगद ५ हजार र निशुल्क शव बाहन पनि दिँदै आएको छ ।

 

Loading...