धनगढी- कैलालीका विभिन्न स्थानबाट ४६ हजार ६ सय मूल्य बराबरका भन्सार छलीका सामान बरामद गरिएको छ। जिल्लाको धनगढीबाट ३७ हजार एक सय र भजनीबाट नौ हजार पाँच सय मूल्य बराबरका भन्सार छलीका सामान बरामद गरिएको हो।
प्रदेश प्रहरी कार्यालय, धनगढीका अनुसार धनगढी उपमहानगरपालिका वडा नम्बर २ भन्सार रोडबाट ३० हजार एक सय मूल्यका चिनी, पास्ता, मिठाई, चकलेट लगाएतका सामान बरामद गरिएको छ।
यस्तै, धनगढी उपमहानगरपालिका वडा नम्बर ७ बाट सात हजारका सामान र भजनी नगरपालिका वडा नम्बर १ बाट नौ हजार पाँच सय ५० रुपैयाँ बराबरका बिडी, सुर्ती लगाएतका सामान बरामद गरिएको हो। बिहिवार साँझ प्रहरीले बेवारिसे फेला पारेका सामान आवश्यक कारबाहीका लागि भन्सार कार्यालय पठाइएको छ।