अत्तरिया- कैलालीको गोदावरी नगरपालिका वडा नम्बर- २ स्थित अत्तरियाबाट चरेससहित चार जना पक्राउ परेका छन् ।
इलाका प्रहरी कार्यालय मालाखेतीका प्रमुख प्रहरी नायव उपरीक्षक रणबहादुर चन्दको नेतृत्वमा खटिएको टोलीले शुक्रबार राती विशेष सूचनाको आधारमा चेकजाँच गर्दा नमस्ते अन्नपूर्ण होटेल अत्तरियाबाट चार जनालाई पक्राउ गरेको हो ।
पक्राउ पर्नेहरूमा बझाङको छबिसपाथिभेरा- ७ बस्ने २८ वर्षीय बम बहादुर धामी, छबिसपाथिभेरा- ५ बस्ने ४२ वर्षीय जनक जाग्री, सुर्मा- ३ बस्ने २५ वर्षीय अमृत बोहरा र दार्चुलाको महाकाली २ बस्ने ५० वर्षीय रूप सिंह सितोली रहेका छन् ।
पक्राउ परेका उनीहरूको साथबाट एक थान डिजिटलतराजु सहित साढे सात किलो चरेस बरामद गरिएको इलाका प्रहरी कार्यालय मालाखेतीले जनाएको छ ।