अत्तरिया, १० भदाै– कोरोना संक्रमणबाट बच्नका लागि मास्क अनिवार्य गर्न प्रहरीले मास्क अभियान थालेको छ । प्रहरीको अभियानमा अत्तरिया युवा क्लवले पनि साथ दिएको छ । क्लवका अध्यक्ष दिपिन साँउदका अनुसार प्रहरीको समन्वयमा सुदूरपश्चिम प्रदेशको प्रदेशमुकाम अत्तरियामा सडकमा मास्क नलगायर हिड्नेहरुलाई निशुल्क मास्क वितरण गरेको हो ।
प्रहरी र क्लवका पदाधिकारीहरु मिलेर बटुवा, व्यापारी र यात्रुहरुलाई मास्क वितरण गरेको हो । उनले यस अभियानमा सम्पूर्णलाई साथ दिन सबैलाई आग्रह गरे ।
मास्क वितरण कार्यक्रममा क्लवको पदाधिकारीहरु, क्षेत्रिय ट्राफिक कार्यालय अत्तरियाका इन्सपेक्टर गेणश राज उप्रेति, इलाका प्रहरी कार्यालय अत्तरियाका प्रमुख एवं डिएस प्रेम शाही लगायत सुरक्षाकर्मीहरुको सहभागिता रहेको थियो । ३५ सय बढी मास्क वितरण गरेका क्लवले जनाएको छ । नेपाल प्रहरीले देश भर तपाईको मास्क खोई अभियान सञ्चालन गरेको छ ।