अत्तरिया, ३१ भदौ- सुदूरपश्चिमका ३ जना बरिष्ठ पत्रकार सहित अत्तरियाका पुराना पत्रकारहरुलाई सम्मानित भएका छन् । कैलालीको अत्तरियामा रहेको गोदावरी पत्रकार मञ्चले आफ्नो प्रथम अधिवेशनमा सुदूरपश्चिम प्रदेशमा दशकौदेखी पत्रकारिता गर्दै आएका ३ जना बरिष्ठ पत्रकार र अत्तरियामा लामो समयदेखी पत्रकारिता गरेका पुराना पत्रकारहरुलाई सम्मान गरेको हो ।
सम्मानित हुनेहरुमा कैलालीमा बसेर झण्डै ३ दशकदेखी पत्रकारिता गरिरहेका बरिष्ठ पत्रकार मनमोहन स्वाँर, २ दशक देखी पत्रकारिता गरिरहेका बिबिसीमा कार्यरत उमिद बागचन्द र २ दशकदेखी पत्रकारिता गरिरहेका नागरिक राष्ट्रिय दैनिकमा कार्यरत दिल बहादुर छत्याल रहेका छन् ।
यस्तै अत्तरियामा लामो समयदेखी पत्रकारिता गर्दै पत्रकारिताको जग बसाल्न सफल पत्रकारहरु पिआर चटौत, कैलाश कुमार जोशी, गोविन्द रोस्यारा, लक्ष्मण गौतम, प्रेम साउँद, तिर्थराज ओझा, रमेश भट्टराई, गोपाल सुवेदी र चित्रा नौन्याल सम्मानित भएका हुन् । उनीहरुलाई कार्यक्रमका प्रमुख अतिथी गोदावरी नगरपालिकाका नगर प्रमुख हरि सिं साउँदले सम्मान पत्र सहित सम्मानित गरेका थिए ।
गोदावरी पत्रकार मञ्चले आफ्नो पहिलो अधिबेशनमा समग्र सुदूरपश्चिमको पत्रकारिता बिकासमा पुञ्याएको योगदानको कदर गर्दै प्रदेशका ३ जना बरिष्ठ पत्रकार र अत्तरिया क्षेत्रमा लामो समय पत्रकारिता गरेर यहाँका हरेक समस्याहरुको उजागर गर्दै सम्बन्धित निकाय समक्ष पुञ्याउन महत्वपूणर् भूमिका खेलेको भन्दै अत्तरियाका पुराना पत्रकारहरुलाई सम्मान गरेको हो ।
