धनगढी- कैलालीको धनगढीबाट जुवातास खेलिरहेको अवस्थामा नगद ८१ हजार ३४५ रुपैयाँसहित ६ जना पक्राउ परेका छन्।
धनगढी उपमहानगरपालिका–४ उत्तरबेहडीस्थित ५५ वर्षीय धनबहादुर सिंहको घरमा जुवातास खेलिरहेको भन्ने गोप्य सूचनाका आधारमा प्रहरीले शनिबार साँझ छापा मारेको थियो। सो क्रममा घरधनी सिंहसहित ६ जनालाई प्रहरीले पक्राउ गरेको हो।
जिल्ला प्रहरी कार्यालय कैलालीबाट खटिएको प्रहरी टोलीले उनीहरूको साथबाट नगद ८१ हजार ३४५ रुपैयाँ र तीन गड्डी तास बरामद गरेको जनाएको छ।
घटनाबारे थप अनुसन्धान भइरहेको प्रहरीले जनाएको छ।
