शिक्षिका नृत्य प्रतियोगितामा सत्यवती एकेडेमी प्रथम

अत्तरिया- सुदूरपश्चिम प्रज्ञा प्रतिष्ठानद्वारा आयोजित शिक्षिका नृत्य प्रतियोगितामा अत्तरियाको सत्यवती एकेडेमीले प्रथम स्थान हासिल गर्दै नगद १५ हजार रुपैयाँ पुरस्कार प्राप्त गरेको छ।

शनिबार अत्तरियामा सम्पन्न प्रतियोगितामा वाल्मीकि इन्टरनेशनल स्कुल (धनगढी) र सक्षम पाठशाला (अत्तरिया) ले द्धितीय स्थान प्राप्त गर्दै १०/१० हजार रुपैयाँ पुरस्कार पाएका छन्।

त्यसैगरी कञ्चनपुरको गुलरिया स्थित कञ्चनजंगा मावि तृतीय भई ७ हजार रुपैयाँ पुरस्कारले सम्मानित भएको छ ।

यस प्रतियोगितामा कुल १४ विद्यालयको सहभागिता रहेको थियो ।