धनगढी- प्रादेशिक आयुर्वेद चिकित्सालय धनगढीको व्यवस्थापन समिति अध्यक्षमा नरेश बिष्ट पुन: नियुक्त भएका छन् ।
गत २० गते बसेको सुदूरपश्चिम प्रदेश मन्त्रिपरिषद्को बैठकले बिष्टलाई चिकित्सालयको अध्यक्षमा नियुक्त गर्ने निर्णय गरेको हो ।
प्रादेशिक आयुर्वेद चिकित्सालय व्यवस्थापन समिति गठन आदेश २०७८ को उप दफा (१) को खण्ड (क) मा भएको ब्यवस्था बमोजिम सरकारले गरेको निर्णय अनुसार नियुक्त गरिएको सामाजिक विकास मन्त्रालयले जनाएको छ । बिष्ट यस अघिपनि प्रादेशिक आयुर्वेद चिकित्सालय व्यवस्थापन समिति अध्यक्ष थिए ।
