परशुराम नगरपालिकामा फागुन १३ गते देखि दादुरा-रुवेला विरुद्धको खोप अभियान सञ्चालन हुने

RBB Bank Suvakamana
Purbadhar dadeldhura

डडेल्धुरा- डडेल्धुराको परशुराम नगरपालिकाले फागुन १३ गते देखि दादुरा-रुवेला विरुद्धको खोप अभियान सञ्चालन गर्ने भएको छ । केन्द्र सरकारको अभियान अन्तरगत नगरपालिकाले फागुन १३ गते देखि बालबालिकालाई दादुरा-रुवेला विरुद्धको खोप लगाउने अभियान सञ्चालन गर्ने भएको हो ।

बिहीवार नगरपालिकाको स्वास्थ्य शाखाले पालिका स्तरीय एक दिने कार्यशाला गोष्ठीको आयोजना गर्दै दादुरा-रुवेला विरुद्धको राष्ट्रिय खोप अभियानको विषयमा जानकारी दिएको छ । नगरपालिका भित्रका ९ महिना देखि ५ वर्ष मुनिका सबै बालबालिकालाई दादुरा-रुवेला विरुद्धको खोप दिन लागेको जनाइएको छ ।

उक्त खोप अभियानलाई अभियानलाई प्रभावकारी बनाउनका लागि पालिका १२ वटै वडा गाउँ टोल समुदायमा बालबालिकाहरूलाई तोकिएको समय भित्र स्थानमा गई खोप लगाउन सम्पुणर् परशुराम नगर बासिन्दा जनसमुदायहरूमा अनुरोध गरिएको छ ।

Malpot office dadeldhura

गोष्ठी कार्यक्रमका सभाध्यक्ष परशुराम नगरपालिका नगर प्रमुख भरत बडायर जोशी एवम् परशुराम नगरपालिकाका १२ वटै वडाका अध्यक्षहरु, कार्यपालिका सदस्यहरु लगायत सम्बन्धित सरोकारवाला निकायहरु, स्वास्थ्यकर्मी र महिला स्वास्थ्य स्वयंमसेविकाको उपस्थिति रहेको थियो ।

फागुन १३ गते देखि सञ्चालन हुने खोप अभियान चैत्र ७ गते सम्म सञ्चालन हुने छ । देश भरका ५१ वटा जिल्लाका ५७ हजार बालबालिकामा दादुरा-रुवेला विरुद्धको खोप लगाइने छ ।

दादुरा रोग ज्यादै छिटो सर्ने भाइरसबाट हुने संक्रमण रोग हो । यो रोग कुनै पनि उमेरका मानिसमा लाग्न सक्छ । तर पाँच वर्ष मुनिका बालबालिकामा यो रोग धेरै पाइने गरेको छ । खोपद्धारा बचाउन सकिने रोग मध्ये बालबालिकाको मृत्यु गराउने एक प्रमुख कारण दादुरा रोग हो । दादुरा रोग लागे पछि निमोनिया, झाडापखाला, मेनिन्जाइटिस, कुपोषण जस्ता जटिलताहरूलाई बालबालिकाको ज्यान लिन सक्दछ भने छिटो भन्दा छिटो महामारीको रूप लिन पनि सक्दछ ।

दादुरा-रुवेलाको संक्रमण भए ज्वरो आउने र शरीरमा राता बिमिरा देखा पर्ने, रुघा खोकीको लक्षण चिन्हहरू ( नाकबाट पानी बग्ने, खोकी लाग्ने, आँखा रातो हुने, आँखा पाक्ने, रोगीको सम्पर्कमा आएको १०-१२ दिन पछि मात्र दादुराको लक्षण (ज्वरो) देखा पर्दछ भने १२ देखि २३ दिन पछि रुबेलाको लक्षण देखा पर्दछ ।

add haru
Dadeldhura Aspatal & Ban
Loading...