धनगढी- डडेल्धुरामा नेकपा एमालेले प्रतिनिधि सभा र प्रदेश सभाका उम्मेदवारहरु सिफारिस गरेको छ। मंसिर ४ गतेका लागि घोषणा गरिएको संसदीय निर्वाचनका लागि जिल्ला कमिटीको बैठकले आकांक्षी उम्मेदवारहरु सिफारिस गरेको हो। सिफारिस हुनेमा प्रतिनिधि सभामा प्रत्यक्षतर्फ पठानसिंह बोहरा रहेका छन्।
यस्तै प्रदेश (क) मा चक्रप्रसाद स्नेहि र (ख) मा गजेन्द्रबहादुर शाही सिफारिस भएका छन्। प्रतिनिधि सभामा सिफारिस भएका बोहरा सुदूरपश्चिम प्रदेश सभाका सांसद पनि हुन्।उनले २०७४ सालको निर्वाचनमा डडेल्धुरा प्रदेशसभा (क) बाट चुनाव जितेका थिए।
