एजेन्सी-मनिषा रुपेता पाकिस्तानमा डिएसपी पदमा नियुक्त हुने पहिली हिन्दू महिला भएकी छन्। सिन्ध लोक सेवा परीक्षा उत्तीर्ण गरी तालिम लिएर उनले यो उपलब्धि हासिल गरेकी हुन्। मनिषा सिन्ध जिल्लाको एक पिछडिएको र सानो जिल्ला जाकुबाबादमा हुर्किएकी थिइन्। उनले प्राथमिक र माध्यमिक शिक्षा यहीँबाट गरिन्। उनका बुबा जाकुबाबादका व्यापारी थिए तर मनिषा १३ वर्षकी हुँदा उनको निधन भयो। त्यसपछि मनिषाकी आमाले आफ्ना पाँच सन्तान एक्लै हुर्काइन्।
उनले आफ्ना बालबालिकाको राम्रो शिक्षा दिक्षाको लागि पाकिस्तानको ठूलो शहर कराँची सरिन्आ। माको संघर्षको कारण मनिषाका तीन बहिनीहरू अहिले एमबीबीएस डाक्टर भएका छन् भने उनका कान्छो भाइ मेडिकल म्यानेजमेन्ट पढिरहेका छन्। स्वतन्त्र रूपमा डिएसपीको जिम्मेवारी सम्हाल्नुअघि मनिषाले कराँचीको सबैभन्दा अप्ठ्यारो क्षेत्र लियारीमा तालिम लिएकी थिइन्। मनिषा यस क्षेत्रकै पहिलो महिला प्रहरी अधिकृत हुन् भने देशभरकी पहिलो हिन्दु डीएसपी भएकी छन्।
‘मेरो सफलतामा मानिसहरु निकै खुसी भएका छन्। हिन्दू समुदाय पनि खुशी छाएको छ। पुरै देशमा मेरो तारिफ भयो। तर प्रशंसासँगै मेरा नजिकका आफन्तले म यस पेसामा धेरै टिक्दिन सोचिरहेका छन्। पितृसत्तात्मक समाजमा प्रहरीको काम पुरुषले मात्र गर्न सक्छन् भन्ने सोचका कारण यस्तो सोचिएको हुनसक्छ ,’ मनिषाले भनिन्। जागिरसँगै मनिषा लोकसेवा आयोगको परीक्षाको तयारी गर्ने एकेडेमीमा पनि पढाईरहेकी छन्। उनी आफूजस्तै अरु महिलालाई पनि प्रहरी सेवामा आकर्षित गर्न चाहन्छिन्। –बीबीसी हिन्दी
