डडेल्धुरा- सुदूरपश्चिमका सात पहाडी जिल्ला जोड्ने एक मात्रै राजमार्ग भिमदत्त राजमार्ग एक साता सम्म सुचारु हुन नसक्दा पहाडी जिल्लाहरुमा डिजेल र पेट्रोलको अभाव भएको छ । पहाडको तरकारी निर्यात हुन नसक्दा कुहिएको छ । कैलालीको गोदावरी नगरपालिका–४ बुढीतोला क्षेत्रमा साउन २३ गते बिहान खसेको पहिरो र राजमार्ग भाँसिदा सडक अवरुद्ध भएको थियो ।
सडक अवरुद्ध भएको पाँच दिनपछि शनिबार मात्रै ट्र्याक खोलिए पनि हिलाम्मे हुदा यातायातका साधनहरु सञ्चान हुन सकेका छैनन् । यातायातका साधन सुचारु नहुदा डडेल्धुरा लगायत पहाडी जिल्लाहरुमा अहिले डिजेल र पेट्रेलको अभाव चुलिएको छ भने पहाडका किसानले उत्पादन गरेको तरकारी कुहिन थालेको छ । यहाँबाट तरकारी खरिद गरि तराई झरेका ट्रकहरुको समेत तरकारी कुहिएपछि खानीडाडा, बुढीतोलाक्षेत्रमा फालिएको ट्रक चालक दिपक भट्टले बताए ।
डडेल्धुरामा एक सातामा डिजेल र पेट्रोल बोक्ने ट्यांकरले दुई वटा पेट्रोल पम्पमा आठ पटक तेल आसोर्ने गर्दथे । चार पटक ट्यांकर आउदा ४८ हजार लीटर डिजल÷पट्रोल आउने गरेको अमरगढी नगरपालिका–१ स्थित सहस्श्रलिङ्ग बीरबेतार आयल स्टोरका सञ्चालक राजु ऐरले भने, हिजो सम्म डिजेल, पेट्रोल थियो साँझ सकियो । बाटो खुल्न सकेको छैन । यहाँ डिजेल पेट्रोलको अभाव भएको छ । उग्रतारा आयल स्टोरमा त सातामा सात आठ पटक सम्म तेल झार्ने गरेको उनले बताए । अहिले दुई वटै पम्प बन्द गरिएका छन ।
तराई पहाड जोड्ने राजगमार्ग अवरुद्ध भएपनि बुढीतोला माथि सात वटै जिल्ला सदरमुकामका सडक सुचारु नै रहेका छन । यहाँ यातायातका साधन ओहोर दोहोर गरिरहेका छन । केही ग्रामिण सडकहरुमा पनि यातायातका साधनहरु सुचारु नै रहेका छन । तर डिजेल, पेट्रोलको अभाव हुदा छोटो दुरीमा सञ्चालनमा रहेका यातायातका साधनहरु ठप्प हुने स्थितीको सिर्जना भएको उग्रतारा डडेल्धुरा सार्वजनिक यातायात प्रा।लीका अध्यक्ष मान बहादुर साउले बताए ।
पहाडी जिल्लामा उत्पादन भएको तरकारी तराकाई जिल्ला निर्यात हुन नसक्दा कुहिन थालेको तरकारी व्यावसायीहरुको गुनासो छ । कतिपय तरकारी किसानका बारीमै कुहिन थालेको छ । अमरगढी नगरपालिका–७ पोखरा बजारका तरकारी व्यावसायी भक्त साहुले भने, किसानले बजारमा ल्याएको तरकारी पनि निर्यात हुन नसक्दा कुहिए पछि फाल्न बाध्य भएका छौ । निगुरो, काउली, बन्दा, खुर्सानी कुहिएपछि करिब २० कुन्टल तरकारी फालेको उनको भनाई छ । दैनिक जसो २० देखी ४० कुन्टल सम्म तरकारी तराई जिल्ला निर्यात गर्दै आउको उनले बताए ।
डडेल्धुरामा एक दर्जन बढी तरकारीका होलसेल व्यापारीहरु छन । उनीहरुले दैनिक रुपमा करिब दुई सय कुन्टल तरकारी तराईका जिल्ला निर्यात गर्दै आईरहेका थिए । डडेल्धुरा उद्योग वाणिज्य संघका अध्यक्ष द्धिजराज भट्टले भने, एक साता यता तरकारीको व्यापार ठप्प जस्तै भएको छ । किसान ठूलो मर्कामा परेका छन । अन्य उपभोग्य वस्तु भने डडेल्धुरामा करिब तीन महिनालाई पुग्ने गरि व्यापारीका गोदामहरुमा मौजदात रहेको उनले बताए ।
