धनगढी- धनगढीका दुई सरकारी कार्यालयबाट प्रहरीले १२ जनालाई नियन्त्रणमा लिएको छ। मालपोत कार्यालय बाट ६ जना र यातायात व्यवस्था कार्यालय बाट थप ६ जना पक्राउ परेका हुन्।
जिल्ला प्रहरी कार्यालय कैलाली का अनुसार उनीहरूलाई बिहीबार दिउँसो करिब २ बजे नियन्त्रणमा लिइएको हो। प्रवक्ता योगेन्द्र तिमिल्सिना ले बताए अनुसार पक्राउ परेकाहरू लेखापढी सम्बन्धी काममा संलग्न थिए तर आवश्यक लाइसेन्स नभएका कारण कारबाही गरिएको हो।
प्रहरीले हाल उनीहरूसँग सोधपुछ गरिरहेको छ र घटनाबारे थप अनुसन्धान जारी रहेको जनाएको छ।