अत्तरिया- कैलालीको इलाका प्रहरी कार्यालय मालाखेतीमा हालै सरुवा भएर आएका डिएसपी रण बहादुर चन्दले मंगलबार स्थानीयहरुसँग परिचयात्मक कार्यक्रम सम्पन्न गरेका छन् ।
प्रहरी कार्यालय परिसरमा आयोजित कार्यक्रममा डिएसपी चन्दले आफूले आगामी दिनमा सञ्चालन गर्ने कार्ययोजनाका बारेमा जानकारी दिँदै सहभागीहरुसँग सुझावहरु समेत मागेका थिए ।
कार्यक्रममा उपस्थित नागरिक अगुवा, राजनीतिक दलका प्रतिनिधि, विभिन्न संघसंस्था तथा सञ्चारकर्मीहरुले शान्ति सुरक्षा, लागू औषध नियन्त्रण, अवैध सामानमाथिको निगरानीलगायतका विषयहरूमा विशेष ध्यान दिन सुझाव दिएका थिए ।
कार्यक्रममा सहभागीहरुले यस अघि आएका प्रहरी प्रमुखहरुले पनि यस्ता समावेशी र संवादात्मक कार्यक्रम गर्दै आएको स्मरण गरे ।