धनगढी । डेउडा प्रतिष्ठानको चौथो साधारणसभा तथा दोस्रो अधिवेशनबाट प्रतिष्ठानको केन्द्रीय समिति अध्यक्षमा लोक गायक सुरतबहादुर रावत डोटेली कान्छा निर्विरोध चयन भएका छन् ।
प्रतिष्ठानको उपाध्यक्षमा भक्तराज जोशी, महिला उपाध्यक्षमा सरिता कठायत, महासचिवमा तोयनाथ भट्ट ,उपमहासचिवमा प्रेम विवश चन्द, साङ्गठनिक सचिवमा विष्णु भक्त खैर, प्रशासनिक सचिवमा धर्मराज जोशी, कोषाध्यक्षमा कृष्णा सिराडी, सह–कोषाध्यक्ष धनसरा साउद चयन भएका छन् ।
त्यस्तै सदस्यहरूमा केशवराज फुलारा धनेश्वरी रेग्मी, चन्द्र बहादुर थापा, सरस्वती धामी, जयन्ती धामी निर्विरोध निर्वाचित भएको मुख्य निर्वाचन अधिकृत पदम बहादुर धामीले बताए ।
समिति चौथो साधारणसभा तथा दोस्रो अधिवेशनको बन्द सत्रमा २५ सदस्यीय कार्यसमिति गठनका लागि भएको विभिन्न पदमा भएको निर्वाचन प्रक्रियामा केही पदमा संशोधित विधान प्रशासनबाट पारित भएपछि मनोनीत हुने मुख्य निर्वाचन अधिकृत धामीले बताए ।
