धनगढी- नेपाल निजामती कर्मचारी युनियनको स्थापना दिवसको अवसरमा जिल्ला कार्यसमिति कैलालीले गुरुकुललाई आर्थिक सहयोग गरेको छ ।
युनियनले धनगढी–१३ कैलाली गाउँमा रहेको निङ्गलासैनी गुरुकुल संस्कृत विद्या पिठलाई आर्थिक सहयोग गरेको हो । गुरुकुलले स्थापना गर्न लागेको अक्षयकोषका लागि २१ हजार १२१ रुपैयाँको चेक हस्तान्तरण गरिएको नेपाल निजामती कर्मचारी युनियन कैलालीका अध्यक्ष खेमराज जोशीले बताए । युनियन पदाधिकारीहरूले गुरुकुलमै पुगेर चेक हस्तान्तरण गरेको हो ।
त्यस्तै युनियनको स्थापना दिवसको अवसरमा जिल्ला कार्यसमिति कैलालीले फुटसल प्रतियोगिता समेत आयोजना गरेको थियो ।
प्रतियोगितामा इन्जिनियरिंग र प्रशासन सेवाका कर्मचारीका बीचको मैत्रीपूर्ण फुटसल प्रतियोगितामा इन्जिनियरिंग सेवा समूहको टिम विजेता र प्रशासन सेवा समूह उपविजेता भनेको थियो। कार्यक्रममा विजेता र उपविजेतालाई पुरस्कार र प्रमाणपत्र वितरण गरिएको थियो ।
