धनगढी- धनगढीमा तिम्रो मायामा म्यूजिक भिडीयोको बिमोचन गरिएको छ । बुधवार धनगढीमा पत्रकार सम्मेलन गर्दै बिर बोहराको उक्त म्यूजिक भिडीयो सार्वजनिक गरिएको हो ।
सुदुरपश्चिम प्रदेश देउडा प्रतिष्ठानका केन्द्रीय अध्यक्ष दल बहादुर बोगटीले म्यूजिक भिडीयोको बिमोचन गरेका हुन् । कैलालीको चुरे गाउँपालीकामा रहेको पर्यटकिय स्थल गर्भादरबारको प्रचार प्रसार गर्न र पुरात्वातिक सम्पदाका संरक्षण गर्न सो क्षेत्रको बिषय बस्तु समेटेर छायाङ्कन गरि म्यूजिक भिडीयो निर्माण गरिएको निर्माणपक्षका सुरेन्द्र संगमले बताए ।
उक्त म्युजिक भिडियोमा कलकार बिर बोहरा र गंगा साउदले अभिनय गरेका छन् । शब्द, संगित तथा स्वर सिपी परियारको रहेको छ । भिडियो निर्देशन अनमोल बिसीको छ । एरेन्ज, सुमन केसी, मिक्सिङ/मास्टरिङः विशाल निरौला, स्टुडियोः अलंकार रेकर्डिङ, रंग अमित बिके,सम्पादन छायांकन प्रकाश विश्वकर्मा, डाइरेक्सन पारस बीसीको रहेको छ ।
करिब ७० हजारको लगानीमा बनेको म्यूजिक भिडीयोले प्रेम गित झल्काए पनि गितको मुल भाव गरबा दरबारलाई जोडेको जनाएको छ । गर्भा दरबार सुदूरश्चिमको पर्यटन गन्त्ब्यको आर्कषणको मुख्य केन्द्र रहेको म्यूजिक भिडीयोको अपेक्षा छ । जसकारण सुदूरश्चिम प्रदेशको पर्यटनलाई प्रदेशमा मात्र नभई बिश्व सामु झल्काउने उद्येश्य रहेको आयोजक पक्षको भनाई छ । कार्यक्रममा हास्यकलाकार सौगात, पत्रकार, बिभिन्न बिशिष्ठ व्यक्ति रहेका थिए । कार्यक्रमको सहजिकरण प्रेम बिवस चन्दले गरेका थिए ।