कञ्चनपुर– कञ्चनचनपुरबाट २ जना पक्राउ परेका छन् । भीमदत्त नगरपालिका-१२ स्थित झुलङ्गे पुलबाट लागूऔषध खैरो हेरोइन ३ ग्राम २९ मिलिग्राम सहित सोही नगरपालिका-६ ऐठपुरका २० वर्षीय शिरीस बोगटी समेत २ जनालाई आइतवार साँझ प्रहरीले पक्राउ गरेको हो ।
लागूऔषध नियन्त्रण ब्यूरो महेन्द्रनगर र प्रहरी चौकी झुलुङगेबाट खटिएको प्रहरीले उनीहरूलाई उक्त पदार्थ सहित पक्राउ गरेको प्रवक्ता प्रहरी नायव उपरीक्षक प्रकाश डाँगीले बताएका छन् ।