कञ्चनपुरमा विभिन्न मुद्दामा फरार ९ जना पक्राउ

कञ्चनपुर- कञ्चनपुरमा विभिन्न मुद्दामा फरार ९ जना फरार प्रतिवादी पक्राउ परेका छन् । जिल्ला प्रहरी कार्यालय कञ्चनपुरको प्रहरी टोलीले कुटपिट घटनाका तिन महिलासहित ५ फरार प्रतिवादी, सरकारी छाप कीर्ते मुद्दाका ३ जना र लागुऔषध मुद्दाका १ गरि ९ जना फरार प्रतिवादीलाई पक्राउ गरेको हो ।

Bhancha ghar0

जिल्ला अदालतबाट कुटपिट घटनामा कसुरदार ठहर भई हाल सम्म फरार रहेका माला लखेरा कुटपिट, तरूण लखेरा, हिमांशु लखेरा, आनन्द लखेरा, संगिता लखेरालाई आइतवार पक्राउ गरिएको प्रहरीले जनाएको छ । बिमल बोहरा, सुन्दर चलाउने र बिकास चलाउनेलाई सरकारी छाप कीर्ते मुद्दामा पक्राउ गरेको हो ।

त्यस्तै अनमोल शाहलाई लागुऔषध मुद्दामा पक्राउ गरेको जिल्ला प्रहरी कार्यालय कञ्चनपुरका प्रहरी नायव उपरीक्षक तथा सुचना अधिकारी प्रकाश डाँगीले जानकारी दिए । यी ९ जनालाई अदालतले जरीवाना तोकेको थियो। ९ जनालाई कञ्चनपुर अदालतमा पेश गरिएको डाँगीले बताए ।

Loading...