कञ्चनपुर- कञ्चनपुरको भीमदत्त नगरपालिका स्तरीय १४ औं राष्ट्रपति रनिङ्ग शिल्ड प्रतियोगिताको उपाधि गड्डाचौकीको सिद्धनाथ अमर माध्यमिक विद्यालयले नगर स्तरीय राष्ट्रपति रनिङ्ग शिल्डको उपाधि हात पारेको छ ।
कबर्ड हलमा आइतबार देखि सुरु नगर स्तरीय प्रतियोगिता बुधबार सकिएको छ । बुधबार कबर्ड हलमा समापन कार्यक्रम गरिएको छ । गड्डाचौकीको सिद्धनाथ अमर माध्यमिक विद्यालयले प्रतियोगिता सबैभन्दा बढी पदक जितेको छ । सिद्धनाथले १५ स्वणर्, ५ रजत र १३ कास्य गरी ३३ पदक जितेको हो ।
प्रतियोगितामा पूर्णा माध्यमिक विद्यालय ऐरी र बैजनाथ माध्यमिक विद्यालय क्रमशः दोस्रो र तेस्रो भएका छन् । पूणर्ा माविले ६ स्वणर् ९ रजत र ३ कास्य गरी १८ जितेर दोस्रो स्थान हासिल गरेको छ । बैजनाथ माविले ६ स्वणर् सहित रजत र कास्य समान एक/एक पदक जितेर तेस्रो स्थान हात पारेको छ ।
लिलिट बुद्ध एकेडेमीले ५ स्वणर्, रजत र कास्य ४/४ गरी १३ पदक जितेर चौथो बनेको छ । बाल जागृति माध्यमिक विद्यालय ऐठपुर र शान्ति निकेतन माध्यमिक विद्यालयले समान ७/७ पदक जिते । यसैगरी निङ्गलाशैनी मावि गौबरैया र महेन्द्रनगर मावि कटान (साधारण) ले समान ६/६ पदक जितेका छन् ।
प्रतियोगितामा सहभागी ११ विद्यालयले एक/एक स्वणर् जितेका छन् । भीमदत्त नगर स्तरीय खेलकूद समितिका अध्यक्ष शरद चन्दको अध्यक्षता र भीमदत्तका उप मेयर निलम लेखक जोशीको प्रमुख आतिथ्यमा समापन कार्यक्रम गरिएको छ । प्रतियोगितामा ५४ स्वणर्, ५२ रजत र ७४ कास्य गरी १ सय ८० पदक वितरण गरिएको नगर खेलकूद समितिका अध्यक्ष चन्दले जानकारी दिए ।
उक्त प्रतियोगितामा सहभागी १० विद्यालय पदक विना रित्तो हात फर्किएका छन् । प्रतियोगितामा सहभागी ४८ विद्यालय मध्ये ३८ विद्यालयले पदक जितेका छन् ।