धनगढी- कैलालीको कैलारी गाउँपालिकाले आज सोमबार शोक बिदा दिएको छ । गाउँपालिकामा कार्यरत सब–ओभरसियर विशेष चौधरीको निधनमा सोमबार पालिकाभर शोक बिदा दिइएको गाउँपालिकाले जनाएको छ ।
टीकापुर घुम्न गएका बेला कार्तिक २५ गते कर्णाली नदीमा बेपत्ता भएका चौधरीको शव शुक्रवार दौलतपुर घाटमा फेला परेको थियो । उनको आइतबार अन्त्येष्टी गरिएको छ ।
कैलारी गाउँपालिकाको कार्यालय, वडा कार्यालय, शैक्षिक संस्था तथा स्वास्थ्य संस्थामा समेत अति आवश्यक सेवा बाहेक शोक बिदा दिने निर्णय भएको प्रमुख प्रशासकीय अधिकृत विरबहादुर ऐरले जारी सूचनामा उल्लेख गरिएको छ ।
