दार्चुला- दार्चुलामा जीप दुर्घटना हुँदा तीन जना घाइते भएका छन्। जिल्लाको शैल्यशिखर नगरपालिका– ३ कर्कले भन्ने स्थानमा जीप दुर्घटना हुँदा चालकसहित तीन जना घाइते भएका हुन् ।
घाइते मध्ये चालक दार्चुलाको मालिकार्जुन गाउँपालिका– ८ पस्तीका ३४ वर्षीय मानसिंह टमाटाको अवस्था गम्भीर रहेको छ । उनको टाउको चोट रहेको जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिएका छन्।
यस्तै दुर्घटनामा परी घाइते भएका शैल्यशिखर नगरपालिका–२ का ३० वर्षीय किरण कामी र बैतडीको डिलाशैनी गाउँपालिका–३ का २८ वर्षीय दीपक लुहार रहेका छन् । उनीहरूको अवस्था मध्यम छ ।
घाइते तीनै जनाको गोकुलेश्वर अस्पतालमा सामान्य उपचारपछि थप उपचारका लागि धनगढी पठाइएको छ । गोकुलेश्वरबाट बैतडीको गण्न्नातर्फ गइरहेको से १ ज ११०४ नम्बरको जीप शनिवार साँझ दुर्घटनामा परेको थियो। जीप सडकबाट २ सय मिटर तल खसेको प्रहरी बताएको छ ।
