धनगढी, ६ जेठ- धनगढीमा अक्सिजन प्लान्ट स्थापना गर्न ८४ लाख रकम संकलन भएको छ । धनगढी उपमहानगरपालिकाले स्थापना गरेको मेयर कल्याणकारी कोषमा बुधबार साँझसम्म झण्डै ८४ लाख रकम संकलन भएको मेयर नेृपवहादुर वडले जानकारी दिए ।
नगढी उपमहानगरपालिकाले अक्सिजन प्लान्ट स्थापना गर्नका लागि गत वैशाख ३० गते मेयर कल्याणकारी कोष स्थापनाको निणर्य गरेको थियो । सो निणर्य पश्चात बुधबार साँझसम्म ५८ वटा दाताले सहयोग गरेका छन् । धेरै व्यक्ती, संस्था र सामुहिक रुपमा सहयोग गरिएको छ । त्यसमा कतिपय व्यक्तीगत, कतिपय संस्थागत र कतिपय सामुहिक रुपमा संकलन गरिएको रकम सहयोग गरिएको छ । सबैजनाले गरेको सहयोग रकम ८३ लाख ८३ हजार एक सय १६ रुपैयाँ पुगेको मेयर वडले बताए ।
पछिल्लो समय धनगढीमा दिनप्रतिदिन अक्सिजन अभाबका कारण कोरोना संक्रमितको मुत्यु हुने क्रम बढ्दै गएपछि विभिन्न संघ संस्था तथा व्यक्तीगत रुपमा आर्थिक सहयोग उठ्ने क्रम जारी छ । धनगढी उपमहानगरपालिकाले राष्ट्रिय वाणिज्य बैंकमा रहेको खाता नम्बर १४७०१०००३०७०२०००२ मा कोष अभिवृद्धि गर्नका लागि दातृ निकाय, मनकारी व्यक्ती तथा सहयोगी दाता, संघ संस्था, उद्योगी व्यवसायी, व्यापारी र राष्ट्रसेवक कर्मचारीलाई कोषमा सक्दो सहयोग गरिदिन समेत अनुरोध गरिएको छ ।
मेयर कल्याणकारी कोषमा जम्मा भएको रकम : 
