काठमाडौँ– नेकपा (एकीकृत समाजवादी)का अध्यक्ष माधवकुमार नेपालले एमालेसँग तत्काल एकता हुन नसक्ने बताएका छन् । बुटवलमा पत्रकारहरूसँग बोल्दै उनले एमालेसँग एकताको च्याप्टर नखुलेको बताइका हुन् ।
अध्यक्ष नेपालले नेकपा (माओवादी केन्द्र)सँगको एकता गर्ने र प्रधानमन्त्री बनाउने भन्ने विषयमा पनि सत्यता नभएको स्पष्ट गरे । कम्युनिष्ट पार्टीले नै राष्ट्रको निकास दिनसक्छ भनेर कम्युनिष्ट पार्टीहरूमा एकताको सम्भावनाबारे छलफल गरिरहेको भए पनि आफूले पद र प्रतिष्ठाको लागिमात्र पार्टी एकता नगर्ने उनको भनाइ छ ।
पछिल्लो समय तत्कालीन नेकपालाई ब्यूताउँनेबारे छलफल भइरहेको भन्दै उहाँले त्यसबाट कांग्रेस तर्सनुनपर्ने बताए ।
