अछाम, ११ जेठ- अछाम जिल्लामा मलामी बोकेको ट्र्याक्टर दुर्घटना हुँदा १ जनाको मृत्यु भएको छ । भने २४ जना घाइते भएका छन् ।
जिल्लाको पञ्चदेवल विनायक नगरपालिका वडा नं. ४ कालिकास्थान टोट्केसालमा भे १ त ८९३७ नम्बरको ट्र्याक्टर दुर्घटना हुँदा नगरपालिकाको वडा नं. १ कुईकाका अमरनाथ धमालाको घटनास्थलमै मृत्यु भएको हो । ट्र्याक्टर ट्रलीको हाइड्रोलिक लिक भएर ट्रली पल्टिदा ट्र्याक्टर दुर्घटनामा परेको थियो ।
दुर्घटनामा घाइते भएकाहरूलाई उपचारका लागी मंगलसैन पुर्याइएको जिल्ला प्रहरी कार्यालय अछामका प्रमुख प्रहरी नायव उपरीक्षक रविराज थपलियाले जानकारी दिए ।
