डडेल्धरा, १७ असोज– काँग्रेस पार्टी सभापति शेरबहादुर देउवाको गृह जिल्ला डडेल्धुरामा झडप भएको छ। काँग्रेसकै दुई पक्षबीच झडप भएको हो। झडपमा परी ६ जना घाइते भएका जनाएको छ ।
भेलामा केन्द्रीय सदस्य अर्जुनरसिंह केसी, डा. शेखर कोइराला र गुरुराज घिमिरे सहभागी थिए । कार्यक्रम भइरहेका बेला देउवा पक्षले हस्तक्षेप गर्न खोजेपछि झडप भएको जनाएको छ। झडपपछि पनि कार्यक्रम जारी रहेको छ।
जिल्ला सभापति कर्ण मल्ल समूहले विरोध जनाए पनि वडा अधिवेशन र पालिका अधिवेशन भएपछि जिल्लामा काँग्रेसको विवाद बढ्दै गएको छ। मल्ल समूहले नै आमसभा आयोजना गरेको हो। उनीहरुले अधिवेशन फेरि हुनुपर्ने माग गरेका छन्। डडेल्धुरामा काँग्रेसको एक पक्ष निरन्तर आन्दोलित छ ।
